2018 ජනවාරි මස 15 වැනිදා සිට ජනවාරි මස 21 වනදා දක්වා ඔබේ ලග්නයට කොහොමද?

මේෂ ලග්නය

ශිෂ්‍ය ශිෂ්‍යාවන්ගේ අධ්‍යාපන කටයුතුවලට බාධා ඇතිවිය හැකිය. දරුවන් ගැන වෙනදාට වඩා සැලකිලිමත් වන්න. ගෘහ ජීවිතය පිළිබඳ සිත් තැවුලක් සතිය ආරම්භයේදීම ඇතිවිය හැකිය. මවට හෝ පියාට තරමක අපලදායක බවක් පෙන්වයි. මේ අතර සෙම් රෝග වැනි සෞඛ්‍යය ගැටලූ ඇතිවීමටද ඉඩ ඇති නිසා වතුරෙන් ප්‍රවේශම් වන්න. සති අග වන විට මෙම බාධා බොහෝ දුරට මගහැරී යනු ඇත. බිරිඳ හෝ සැමියා සමග ඇති සුහදතාව වැඩිවේ. හවුල් ව්‍යාපාරවලින් ලාභ ලැබේ. ලියකියවිලිවලට අත්සන් තැබීමේදී ප්‍රවේශම් වන්න. රැකියා හා ව්‍යාපාර අංශවල උසස් අය අමනාප වීමටද ඉඩ ඇති නිසා ඉවසීමෙන් කටයුතු කරන්න.

ජය අංක :- 2, 4, 6 ජය වර්ණ :- රතු, කහ ශුභ දිනය :- අඟහරුවාදා, සිකුරාදා

වෘෂභ ලග්නය

මෙම සතිය මිශ්‍රඵලදායක වේ. අධ්‍යාපන කටයුතුවලට බාධා ඇතිවීමට හැකි අතර ශිෂ්‍ය ශිෂ්‍යාවන් දිරිමත්ව ක්‍රියා කිරීමෙන් සාර්ථක ප්‍රතිථල ලබාගත හැකිවේ. ගෘහ ජීවිතය සතුටින් ගතවේ. නිවසේ පුණ්‍ය කටයුත්තක් හෝ ප්‍රියසම්භාෂණයක් පැවැත්වීමට යෙදේ. ඉඩම්, ගෙවල් හා වාහන ගනුදෙනුවලට සුබඵලදායකයි. උත්සාහය ධෛර්ය ඉහළ යයි. සහෝදර හා අසල්වාසීන් අතර සබඳතා ශක්තිමත් වේ. විවාහ අපේක්ෂිත අයටද පෙම් සබඳතාවලටද අසතුටුදායක තත්ත්වයක් ඇති වේ. දරුවන් වෙනුවෙන් තැන්පත් මුදලක් වැයවේ. රැකියා අංශවල ප්‍රධානීන් සම කටයුතු කරන විට ප්‍රවේශම් වන්න.

ජය අංක :- 2, 4, 7 ජය වර්ණ :- රතු, නිල් ශුභ දිනය :- සෙනසුරාදා, සිකුරාදා

මිථුන ලග්නය

ශිෂ්‍ය ශිෂ්‍යාවන්ගේ අධ්‍යාපන කටයුතු වලට බාධා ඇති වන්නේ උදාසීන බව හා වැඩ කල් දැමීම නිසාය. උනන්දුවෙන් කටයුතු කරන්න. ගෘහ ජීවිතය එතරම් සතුටුදායක නොවන බව පෙනේ. විදේශ රැකියා හෝ විදේශ ගමන් පිළිබඳව කටයුතු සාර්ථක කරයි. අසල්වාසිීන් සම තිබූ අමනාපකම් දුරුවේ. ලිපි ලේඛන කටයුතුවලට සුබපලදායකයි. මුදල් ආයෝජනය කරන විට ප්‍රවේශම් වන්න. මවුපියන්ට අපලයි. මුල් ඉඩම් ගෙවල් පිළිබඳව කරදර මතුවීමට ඉඩ ඇත. සිත් තැවුල් ඇතිවීමට කරුණු යෙදිය හැකි නිසා ඉවසීමෙන් කටයුතු කරන්න. පපුවේ ආබාධ ඇති අය ප්‍රවේශම් විය යුතුය.

ජය අංක :- 2, 4, 7 ජය වර්ණ :- කොළ, නිල් ශුභ දිනය:- බදාදා, සිකුරාදා

කටක ලග්නය

අධ්‍යාපන කටයුතුවලට යහපත් ගුරුවරුන්ගේ උදව් උපකාර ලැබේ. ගෘහ ජීවිතයට තරමක බාධා ඇතිවිය හැකිය. ඉක්මන් කෝපය නිසා ඇතිවන ගැටලූ පාලනය කරගැනීමට ඉවසීමෙන් කටයුතු කරන්න. විවාහ සහකරු නිසා ධනයක් ලැබීමට ඉඩ තිබේ. අවිවාහක තරුණ තරුණියන්ට මංගල යෝග උදාවේ. ධෛර්ය හා උත්සාහය වැඩිවේ. තනතුරුවල උසස්වීම් ලැබෙන්නටද පුළුවන. සහෝදර සබඳතා අලූත් වේ. රජයේ තනතුරු ලැබෙන්නටද පුළුවන. මිතුරු මිතුරියන් ඇසුරු කිරීමේදී සැලකිලිමත් වන්න. ලිපි ලේඛන හා ශාස්ත්‍රීය කටයුතුවලට සුබයි.

ජය අංක :- 1, 3, 6 ජය වර්ණ :- සුදු, රතු ශුභ දිනය :- සඳුදා,  ඉරිදා

සිංහ ලග්නය

අධ්‍යාපන කටයුතුවල යෙදෙන ශිෂ්‍ය ශිෂ්‍යාවන්ට මිශ්‍රඵලදායක වේ. බලාපොරොත්තු වූ ණය මුදලක් ලබාගැනීමට පහසුකම් සැලසේ. සුරතල් සතුන් කෙරෙහි වැඩි අවධානයක් යොමුවේ. විවාහ ජීවිතය පිළිබඳව බාධා ඇති කරවීමට ඉඩ තිබේ. වියදම් අධික වේ. අවිවාහක අයගේ පෙම් සබඳතා හෝ විවාහ යෝජනා පිළිබඳ කටයුතුවලට බාධා ඇතිවිය හැකිය. ඉවසීමෙන් කටයුතු කරන්න. අසල්වැසියෙකු සමග අමනාපයක් ඇතිවිය හැකිය. රැකියා හා ව්‍යාපාර අංශවල සේවක පක්ෂයෙන් බාධා ඇතිවීමට ඉඩ තිබේ.මේ අතර සෙම් රෝග වැනි සෞඛ්‍ය ගැටලූ ඇතිවීමට ඉඩ ඇත.

ජය අංක :- 2, 5, 7 ජය වර්ණ :- රතු, කහ ශුභ දිනය :- ඉරිදා, බදාදා

කන්‍යා ලග්නය

අධ්‍යාපන කටයුතුවලට මිශ්‍රඵලදායකයි. බුද්ධිය මෙහෙයවා කරන කටයුතු සාර්ථක වේ. ඔබට අවිවේකී සතියක් උදාවේ. උසස් අයගේ ආධාර උපකාර ලැබේ. විදේශ ගමන් පිළිබඳව තිබූ බලාපොරොත්තුවක් සාර්ථක වේ. බිරිඳ හෝ සැමියාට දුර ගමනක් යෙදෙන්නට ඉඩ තිබේ. මංගල යෝජනාවලට බාධා පවතින බව පෙනේ. වියදම් පාලනය කරගැනීමට කටයුතු කරන්න. උසස් අය හඳුනා ගැනීමටද අවස්ථාව උදාවේ. දරුවන් ගැන සැලකිලිමත් වන්න. හිසේ රෝග, ඌෂ්ණාධික තත්ත්වයන් ඇතිවීමට ඉඩ ඇති නිසා ශරීර සෞඛ්‍ය රැකගැනීමට උනන්දු වන්න.

ජය අංක :- 4,5, 8 ජය වර්ණ :- කොළ, නිල් ශුභ දිනය :-  බදාදා,සිකුරාදා

තුලා ලග්නය

ගුරු ලග්නයේ ගමන් කරමින් උදාවන මෙම සතිය මිශ්‍රඵලදායක වේ. අධ්‍යාපන කටයුතු සාර්ථක කරගත හැකිවේ. ගෘහ ජීවිතයට තරමක බාධා කරදර ඇතිවිය හැකිය. තැන්පත් ධනය වැය වීමට කටයුතු යෙදේ. නමුත් ආදායම් මාර්ග යහපත් වේ. කතා කරන විට දූරදර්ශී නොවුවහොත් කතාව නිසා පාඩුවක් සිදුවිය හැකිය. දරුවන්ට සුබපලදායකය. බිරිය හෝ සැමියාගේ විදේශ ගමන් සාර්ථක වේ. මංගල කටයුතුවලට සුබ නොවේ. එවැනි කටයුතු තරමක් කල් දැමීම යෝග්‍ය වේ. බලාපොරොත්තු වූ ණය මුදලක් ලබාගැනීමට පහසුකම් සැලසේ. සෞඛ්‍යය රැකගන්න.

ජය අංක :- 3, 4, 8 ජය වර්ණ :- නිල්, රතු ශුභ දිනය :- බදාදාල සිකුරාදා

වෘශ්චික ලග්නය

අධ්‍යාපන කටයුතුවලට සුබවේ. දරුවන්ගේ දියුණුවට කරන කටයුතු සාර්ථක වේ. ගෘහ ජීවිතය සතුටින් ගතකිරීමට හැකියාව ලැබේ. විදේශ ගමන් සාර්ථක කරගත හැකිවේ. මංගල යෝග උදාවේ. වාසනාව භාග්‍යයට නොව උත්සාහය හා ධෛර්යයට තැන දී කටයුතු කළ යුතුය. උසස් කෙනෙකු හෝ රැකියා ප්‍රධානියකු අමනාප වීමට ඉඩ තිබේ. නිෂ්ඵල වියදම් ඇතිවේ. රාජ්‍ය සේවයේ යෙදෙන අයට විශේෂයෙන් ප්‍රවේශම් විය යුතුය. නීති විරෝධී කටයුතුවලට මැදිහත් නොවීමට වගබලා ගන්න. රාහු දශා සහ සෙනසුරු දශා ගත කරන අයට තරමක අපල පවතී.

ජය අංක :- 1, 2, 7 ජය වර්ණ :- රතු, තැඹිලි ශුභ දිනය :-  අඟහරුවාදා, සිකුරාදා

ධනු ලග්නය

අධ්‍යාපන කටය`ුතු සාර්ථක වේ. කලා විෂයන් හදාරන ශිෂ්‍යයන්ට විශේෂ සුබපල ලැබේ. ඉක්මන් කෝපය නිසා පවුලේ අය තුළ කළකිරීමක් ඇතිවිය හැකිය. ඉවසීමෙන් කටයුතු කරන්න. විවාහක සහකරුට තරමක් අපලයි. හදිසි ධන ලාභයක් හෝ ලොතරැයි ජයක් ලැබීමට ඉඩ තිබේ. ආයෝජන කටයුතුවලින් ලාභ ලැබේ. අවිවාහක අයගේ මංගල යෝජනා සාර්ථක වේ. පෙම්වතුන්ට සුබදායකයි. සතුරන්ගෙන් ජය ලැබේ. රැකියා ලාභ ලැබේ. තත්ත්වයේ හෝ තනතුරේ උසස්වීම් ලැබීමට ඉඩ තිබේ. බලාපොරොත්තු ඉටුවේ. අසනීපවලින් සුවය ලැබේ. කේතු දශාගත කරන අය ශරීර පෝෂණය ගැන සැලකිලිමත් වන්න.

ජය අංක :- 1, 6,7 ජය වර්ණ :- රතුල කහ ශුභ දිනය :-  බ්රහස්පතින්දාල සඳුදා

මකර ලග්නය

අධ්‍යාපන කටයුතු සාර්ථක වේ. දියුණුවට කරන කටයුතුවලට රහස් සතුරු කරදර ඇතිවීමට ඉඩ තිබේ. සිත් තැවුල් ඇතිවීමටද හේතු වේ. දුර වන්දනා ගමන් යැමට අවස්ථා උදාවේ. බිරිඳ හෝ සැමියා සමග මතභේද ඇති වීමට ඉඩ තිබේ. රැකියා හා ව්‍යාපාර කටයුතුවලට සේවක පක්ෂයේ සහයෝගය ලැබේ. සෞඛ්‍යය පිළිබඳව ගැටලූ ඇති වීමට ඉඩ තිබේ. වැදගත් තීරණ ගන්නා විට ඒ පිළිබඳව දැනුමැති කෙනෙකුගේ උපදෙස් ලබා ගන්න. තනි තීරණ ගැනීමෙන් වළකින්න. බිරිඳ හෝ සැමියාට දුර ගමන් යෙදේ. ගුරු දශා ගත කරන අය ප්‍රවේශම් වන්න.

ජය අංක :- 5, 6, 9 ජය වර්ණ :- කොළ, නිල් ශුභ දිනය :-  සෙනසුරාදා, බදාදා

කුම්භ ලග්නය

මෙම සතිය සුබදායක වේ. අධ්‍යාපන හා උසස් අධ්‍යාපන කටයුතුවලට සුබදායක වේ. ගෘහ ජීවිතය සතුටින් ගතවේ. දරුවන්ට සුබයි. විවාහක සහකරු පිළිබඳ සැකය නිසා අඹුසැමි භේද ඇතිවීමට ඉඩ තිබේ. ව්‍යාපාරවලට කරන මුදල් ආයෝජනවලින් ලාභ ලැබේ. උසස් අයගේ ඇසුර ලැබේ. ආදායම් මාර්ග යහපත් වේ. තත්ත්වයේ උසස් වීමකට හේතුයි. ගෞරව නම්බුනාම ලැබේ. රැකියා අපේක්ෂාවන් සාර්ථක වේ. තෑගිබෝග ලැබෙන කාලයකි. බුද්ධිමත් මිතුරු මිතුරියන් හඳුනාගැනීමට අවස්ථා උදා වේ. විදේශ ගමන් වෙනුවෙන් තැන්පත් මුදලක් වැය කිරීමට සිදුවේ.

ජය අංක :- 4, 6, 9 ජය වර්ණ :- කොළ, නිල් ශුභ දිනය :-  සෙනසුරාදාල බදාදා

මීන ලග්නය

උසස් අධ්‍යාපන කටයුතු සාර්ථක වේ. රැකියා අංශවල කටයුතු සාර්ථක කරගැනීමට සේවක සේවිකාවන්ගේ සහයෝගය ලැබේ. සහෝදරයෙකුට අපලයක් පෙන්වයි. අලූත් මිතුරන් හඳුනා ගැනීමට අවස්ථාව උදාවේ. ආගමික කටයුත්තකට සහභාගි වීමට සිදුවේ. විදේශ ගමන් හා දුර වන්දනා ගමන් යෙදේ. ඔබගේ බලාපොරොත්තු ඉටුවේ. උසස් අයගේ ආධාර උපකාර ලැබේ. පියාගේ ධනය හිමි වීමට කරුණු යෙදේ. තත්ත්වය උසස් වේ. ධන ලාභ ලැබේ. රැකියා බලාපොරොත්තු සාර්ථක වනු ඇත. නම පැතිරෙන කාලයකි. හදිසි අනතුරුවලින් ප්‍රවේශම් වන්න.

ජය අංක :- 3, 7, 8 ජය වර්ණ :- තැඹිලි, රතු ශුභ දිනය :-  බ්රහස්පතින්දා, සඳුදා