මේෂ ලග්නය
ගෘහ ජීවිතය මිශ්‍රඵලදායක බව පෙනේ. මුදල් ලාභ ලැබේ.යහපත් මිතුරු මිතුරියන්ගේ ඇසුර ලැබේ. සමාජ සේවා කටයුතුවල නිරත වීමට සිදුවේ. දරුවන් ගැන සැලකිලිමත් වන්න.ආයෝජන කටයුතු කිරීමේදී හා හවුල් ව්‍යාපාරවලදී වඩාත් සැලකිලිමත් වන්න. රැකියා හා ව්‍යාපාර අංශ වලට පැවති සේවක ගැටලු නිමවේ.මංගල කටයුතුවලට බාධා ඇතිවිය හැකියි. සතුරු කරදරවලින් ජය ලැබේ. වු ණය මුදලක්‌ ලබාගත හැකිවේ.
ජය අංක :- 2,6 ජය වර්ණ :- රතු, කහ ශ=භ දිනය :- අඟහරුවාදා, සිකුරාදා
වෘෂභ ලග්නය
විවාහ අපේක්‌ෂිත තරුණ තරුණියන්ට මංගල යෝග උදාවේ.දරුවන් පිළිබඳ සුබදායක ආරංචි අසන්නට ලැබේ.නිවසේ ප්‍රීති උත්සව හා ආගන්තුක සත්කාර වැඩිවන සතියකි. රහස්‌ සතුරන්ගෙන් ජය ලැබේ. ණය මුදලක්‌ ලබා ගැනීමට තිබූ බලාපොරොත්තු සාර්ථක වේ. ඉඩකඩම් ගෙවල් දොරවල් සම්බන්ධව නීති ප්‍රශ්නවලට සුබ නොවේ. රැකියා කටයුතුවල උනන්දුව හා ප්‍රබෝධය වැඩි වේ. විදෙස්‌ ගමන් සාර්ථක වෙයි.
ජය අංක :- 4, 7 ජය වර්ණ :- රතු, නිල් ශ=භ දිනය :- සෙනසුරාදා, සිකුරාදා
මිථුන ලග්නය
තරඟකාරී කටයුතුවලින් ජය ලැබෙයි.ගෘහ ජීවිතය සතුටුදායකයි.යාන වාහන ලාභ ඇතිවීමට ඉඩ ඇත.දරුවන් අපේක්ෂාවෙන් සිටින අයට වාසනාවන්ත දරුවන් හිමි වේ. කෘෂිකාර්මික කටයුතුවලින් ලාභ ලැබේ.විවාහ යෝජනා සඵල වේ.බාල සහෝදරයන් ගැන සැලකිලිමත් වන්න.උගත් මිතුරු මිතුරියන්ගේ ඇසුර ලැබෙන සතියකි.අලුත් නෑ හිත මිතුරු සබඳතා ඇතිවේ.විදෙස්‌ ගමන් සාර්ථක වේ.ආගමට සිත යොමු වේ.සෞඛ්‍ය යහපත් වේ. ජය අංක :- 2, 4, 7 ජය වර්ණ :- කොළ, නිල් ශ=භ දිනය :- බදාදා, සිකුරාදා
කටක ලග්නය
ප්‍රයෝජනවත් කෙටි ගමන් බිමන් නිතර යෙදේ.ලිපි ලේඛන හා ශාස්‌ත්‍රිය කටයුතුවලින් ජය ලැබේ.ගෘහ ජීවිතය සාමයෙන් හා සතුටින් ගත කිරීමට උත්සාහ ගන්න.තැන්පත් ධනය පරිහරණයේ දී සැලකිලිමත් වන්න.සතුරු කරදර පරාජය කිරීමට ශක්‌තිය ලැබේ.සේවක සේවිකාවන්ගේ සහයෝගය ලැබේ.ව්‍යාපාරිකයන්ට ලාභ ලැබේ.සති අන්තය වන විට තිබූ කරදරයකින් නිදහස ලැබෙනවා ඇත.සතිය මුලදී සෙම් රෝග වැනි අපල පෙන්වයි.
ජය අංක :- 1,6 ජය වර්ණ :- සුදු, රතු ශ=භ දිනය :- සඳුදා, ඉරිදා
සිංහ ලග්නය
අසල්වාසීන්ගේ සහයෝගය ලැබේ. බාල සහෝදරයන්ට සුබයි. කෙටි ගමන් බිමන් යෙදේ. තම නිර්මාණ ශක්‌තිය විදහා දැක්‌වීමට හැකි සතියකි.විදේශ රැකියා අපේක්ෂාවෙන් සිටින අයට බලාපොරොත්තු ඉටු වේ. රැකියා කටයුතුවල සාර්ථකත්වයක්‌ දැකිය හැකි වේ. ව්‍යාපාරිකයන් ලාභ බලාපොරොත්තුවෙන් මුදල් වියදම් කරන විට කල්පනාකාරී වන්න. සමාජ සේවා කටයුතුවල නිරත වන අයට ප්‍රශංසා හිමි වෙයි. සෞඛ්‍යය යහපත් වෙයි.
ජය අංක :- 5, 7 ජය වර්ණ :- රතු, කහ ශ=භ දිනය :- ඉරිදා, බදාදා
කන්‍යා ලග්නය
ඉගෙනීමේ කටයුතුවල යෙදෙන ශිෂ්‍ය ශිෂ්‍යාවන්ට සුබඵල දෙයි.වාසනාවට වඩා උත්සාහය ගැන විශ්වාසය තබා කටයුතු කරන්න.එවිට මෙම සතිය තුළ ජයග්‍රහණ හිමි කරගත හැකි වේ.ගෘහ ජීවිතය ගත කරන අය ඉවසීමෙන් කටයුතු කරන්න.මෙම සතියේ ධනය ලැබීමත්, ආදයම් මාර්ග වැඩිදියුණු වීමක්‌ සිදුවන අතර තැන්පත් ධනය පරිහරණයේදී සැලකිලිමත් වන්න. තම කථාවේ බලයෙන් බොහෝ දේ ලබා ගැනීමට හැකියාව ලැබේ.
ජය අංක :- 4, 8 ජය වර්ණ :- කොළ, නිල් ශ=භ දිනය :- බදාදා, සිකුරාදා
තුලා ලග්නය
ගෙදර දියුණුව ඇතිකර ගැනීමට පහසුකම් ඇතිවේ.කෘෂිකාර්මික කටයුතුවලින් ලාභ ලැබේ. වියදම් පාලනය කර ගන්න. සතුරු කරදර ගැන සැලකිලිමත් වන්න.විවාහ මංගල කටයුතුවලදී තිරණ ගැනීමේදී ඉතා කල්පනාකාරී වන්න.විවාහ සහකරුට තරමක්‌ අපල බවක්‌ පෙන්වයි.උසස්‌ කෙනකු හෝ වැඩිමහල් සහෝදරයකු අමනාප වීමට ඉඩ තිබේ. ගමන් බිමන්වලදී ප්‍රවේශම් වන්න.උෂ්ණාධික රෝග ඇති විය හැකිය.
ජය අංක :- 3, 4 ජය වර්ණ :- නිල්, රතු ශ=භ දිනය :- බදාදා, සිකුරාදා
වෘශ්චික ලග්නය
පවුලේ වියදම් ඉහළ යැමට කටයුතු යෙදිය හැකියි.තැන්පත් ධනය පරිහරණයේ දී සැලකිලිමත් වන්න.අලුත් හිත මිතුරන් හඳුනාගැනීමට ඉඩ ලැබේ.රැකියා හා ව්‍යාපාරික කටයුතු උත්සාහවන්තව සාර්ථක කරගැනීමට ඉඩ ලැබේ.රැකියා හා ව්‍යාපාරික ස්‌ථානවල උසස්‌ අය සමඟ ප්‍රවේශමෙන් කටයුතු කරන්න.නීතිමය ගැටලුවලට මැදිහත් නොවන්න. මව්පියන් දූ දරුවන් සමඟ සතුටින් කාලය ගත වේ. විදේශ රැකියා ගමන්වලට තරමක බාධා ජය අංක :- 2, 7 ජය වර්ණ :- රතු, තැඹිලි ශ=භ දිනය :- අඟහරුවාදා, සිකුරාදා
ධනු ලග්නය
මෙම සතිය සුබදායක වේ.ගෘහ ජීවිතය පිළිබඳ සතුටුදායක තත්ත්වයක්‌ පෙන්වයි. අසල්වාසීන් අතර පවතින සුහදතාව ආරක්‌ෂා කර ගැනීමට සැලකිලිමත් වන්න.ගොවිතැන් කටයුතුවලින් ලාභ ලැබේ.ගෙදර ජල සම්පාදන කටයුතුවලට හෝ ළිං කැපීමට සුභයි.ගෘහ ජීවිතය සතුටින් ගතවේ.ගෙදර දියුණුවට කරන කරන කටයුතු සාර්ථක කරගත හැකි වේ. බලවත් මිතුරන් හඳුනා ගැනීමට අවස්‌ථාව උදාවේ. ප්‍රීති උත්සව වලට සහභාගි වීමට ඉඩ ජය අංක :- 1, 7 ජය වර්ණ :- රතු, කහ ශ=භ දිනය :- බ්රහස්පතින්දා, සඳුදා
මකර ලග්නය
උසස්‌ අධ්‍යාපන විදේශ ගමනකට දොරටු විවර වේ.ගෘහ ජීවිතය පිළිබඳව බොහෝ කටයුතු සාර්ථක කර ගත හැකි වේ.විවාහ සහකරුට සුබදායක වේ.අවිවාහක අයගේ මංගල යෝජනා ස්‌ථිර වීමට කරුණු යෙදේ.රැකියා අපේක්‌ෂිත අයට පැතුම් ඉටුවෙයි.රැකියා අංශවල තත්ත්වය සුබදායකයි.ආයතන ප්‍රධානීන්ගේ සැලකිල්ල ලැබෙන අතර තනතුරුවල උසස්‌වීම් ලැබේ. ව්‍යාපාර සදහා මුදල් යෙදවීමේදී දුර දිග බලා කටයුතු කරන්න. ජය අංක :- 5,9 ජය වර්ණ :- කොළ, නිල් ශ=භ දිනය :- සෙනසුරාදා, බදාදා
කුම්භ ලග්නය
විදේශ ගමන්වලදී ප්‍රවේශම් විය යුතුය.ගෘහ ජීවිතය ඉවසිලිවන්තව හා බුද්ධිමත්ව ගත කිරීම යහපත් වේ.මේ අතර නිවසේ ඉදිකිරීම් වැනි දියුණුවට කරන දේවල් සාර්ථක කර ගැනීමටද හැකියාව ලැබේ.නව රැකියා අපේක්‌ෂිත අයගේ පැතුම් ඉටුවෙයි.රැකියා හා ව්‍යාපාර අංශවල තරමක බාධා පවතී.රැකියා ප්‍රධානීන් අමනාප වීමට කරුණු යෙදේ.වැඩිහිටි පක්‌ෂයේ හිතවතුන්ගේ උපකාර හිමි වෙයි.හදිසි අනතුරුවලින් ප්‍රවේශම් වීමට වග බලා ගන්න
ජය අංක :- 4, 6 ජය වර්ණ :- කොළ, නිල් ශ=භ දිනය :- සෙනසුරාදා, බදාදා
මීන ලග්නය
අධ්‍යාපන කටයුතුවල නිරත වන දරුවන්ට අධ්‍යාපනය සඳහා විදෙස්‌ ගතවීමට ඉඩකඩ සැලසේ.දරුවකුගේ දියුණුව පිළිබඳව සතුටු විය හැකි බව පෙනේ.විවාහ අපේක්‌ෂිත තරුණ තරුණියන්හට මංගල යෝග උදාවෙයි.රැකියා අංශවල උසස්‌ වීම්වලට බාධා,සේවක ගැටලු ඇති විය හැකිය.ආදායම් පහළ යැමට ඉඩකඩ ඇති වේ. රහස්‌ සතුරන්ගෙන් ජය ලැබේ.ගුරු දශා ගතකරන අය දියවැඩියාව හා කොලෙස්‌ටරෝල් වැනි රෝගවලින් ප්‍රවේශම් වන්න
ජය අංක :- 3,8 ජය වර්ණ :- තැඹිලි, රතු ශ=භ දිනය :- බ්රහස්පතින්දා, සඳුදා
No comments:
Post a Comment